#poem_4c8522df5304e td { font-family: 'simplified arabic', arial, helvetica, sans-serif; font-size: large; font-weight: bold; } ما هان وجهي يا ظروف الليال الغبر صبري جميل و رحمة الله راجيها اجاهدك يالدنيا من اول سنين العمر وروحي على درب المراجل معنيَها ولا يشعر ابنار الجمر غير واط الجمر !! وانا نار وقتي دايم الدوم واطيها اواجه تصاريفه // والايمان ساس الصبر وادلَه الخاطر والآقدار راضيها وجودي وجود الحر لا من شكاله كسر وله عادةٍ ماهوب قادر يخليَها لكنَ الكسر خَلاه يلزم حدود الوكر !! و تصغر بعينه : ( كل الارجا ومافيها ) تدور الليالي والكسر ما لقاله جبر وبعض الجروح المزمنة من يدوايها ؟!! ومن يجرع امن المر يندب حلاة التمر!! ولا من بغا يكحل عيونه بيعميها ومهما يطول الليل ما يقرب الا الفجر ويكشف علومٍ خاطر الليل مخفيها اشوف الظبا ما عاد تخشا عيون النمر !! ولا عاد تحسب للذياب ومساريها مدام الزهور اليانعة ما تفوح ابعطر انا ليش اخليَها ؟!! وانا ليش اداريها ؟!! تراها مثل من يجمع الواحد امع الصفر !! وذي خطوةٍ ما هيب تحسب لراعيها اقوله وبعض النَاس لشكل عليه الآمر يقول : ( السوالف هابطاتٍ معانيها ) يلف ويدور ويجهل ان الصراحة جسر تقوي علاقات الحبايب وتحييها وانا موقفي معروف // ما تجهله يابدر اقول العرب لا بد تحفظ مباديها ولا من بغوا رايي كشفته بليا عذر مبرهن // واسمَي كل الاشيا بساميها !! وخذها نصيحة صادقة يا عزيز القدر عداة الشريعة يافتى لا تواليها وبعض المجالس مالها حل غير الهجر حذاري تغرَك من فخامة مراكيها !! ولا من تحدَاك الزمن بالظروف الكثر تصَبر .. وروحك لا تكبَر بلاويها يضيع البنادم لا يأس في دروب العسر وما فيه غير الياس الآنفس يدهويها تحيزم بصبرك يافتى الجود لين اليسر تجيبه سنين الصبر لو شاب راضيها اقوله وانا لازلت اعيش الليال الغبر ونفسي بنور الصبح ياخوك امنيَها

صعوط المجانين

الموضوع الأصلي : ما هان وجهي ياظروف الليال الغبر !!     -||-     المصدر : عرب لاين     -||-     الكاتب : arblin